یەکێکی دیکە لە فەرماندەکانی سپای پاسدارانی کۆماری ئیسلامی لە وڵاتی سوریە کوژرا. ئەوەش دوای کوژرانی کۆمەڵێکی دیکە لە فەرماندەکانی سپای پاسدارانە کە لە ماوەی چەند هەفتەی رابردوو دا بۆ پاراستنی دەسەڵاتەکەی بەشار ئەسەد لە سوریە کوژراون.
هەواڵدەریەکانی سەر بە کۆماری ئیسلامیی ئێران ئاشکرایان کرد کە سەرهەنگی پاسدار موسلیمی خیزاب فەرماندە لە لەشکری چواردەی ئیمام حوسێن کەوتە بەر فیشەکی نەیارانی بەشار ئەسەد لە سوریە و گیانی لە دەست دا. ئەوەش پێنجەمین فەرماندەی پایەبەرزی سپای پاسدارانە کە لە ماوەی چەند حەوتووی رابردوو دا لە سوریە دەکوژرێ. ئەوە وێڕای کوژرانی دەیان کەس لە ئەندامانی سپای پاسداران و بەکرێگیراوانی ئەفغانی و لوبنانی ئەو سپایە لە وڵاتی سوریە.