Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
شه‌ممه ۱۷ ی جۆزه‌ردانی ۱۳۹۹ | 06/06/2020 | کاتژمێر:
ئێران

ئایننامەی خەڵاتی تێرۆریستێک لە ئێران ڕاگەیەندرا

19/05/2020 | 18:52:40
+A
-A

“حەسەن ڕوحانی” سەرۆک کۆماری ڕێژیم ئایننامەی خەڵاتێکی بە ناوی قاسم سلێمانی ڕاگەیاند.

خەڵاتێک کە لەلایەن ئەنجوومەنی باڵای ئینقلابی فەرهەنگیی ئێران پێشنیار و پەسەند کرابوو، لە لایەن حەسەن ڕووحانییەوە ڕاگەیەندرا.

ئەو خەڵاتە دەدرێ بە کەسانێک کە بە قسەی خۆیان دژی ئیستیکباری جیهانی ڕابوەستن و ڕێگەکەی قاسم سلێمانی درێژە پێ‌بدەن.

دیاریکردنی خەڵات بۆ پاسدارێکی تێرۆریست لە لایەن ئەو ئەنجوومەنە و سەرۆک کۆماری ڕێژیم لەسەر قووتی خەڵکی ئێران هەمان سیاسەتی تێرۆریست پەروەریی قاسم سلێمانی جینایەتکارە کە ساڵانێکە دەستی بەخوێنی ڕۆڵەکانی خەڵکی ئێران و کوردستان و سەدان کردەوەی مرۆڤکوژی سوورە.

“قاسم سلێمانی” یەکێک لەو پاسدارە خوێنڕێژانە بوو کە لەسەر فەرمانی ئەو سەدان هەزار منداڵی کورد، سووری، یەمەنی،  ئیسڕائیلی و لوبنانی کوژران و ماڵی میلیۆنان کەسی لە سووریە وێران کرد.

دیاریکردنی ئەو خەڵاتە بۆ تێرۆریستێکی وەک قاسم سلێمانی نیشانەی درێژەدانی هەمان سیاسەتی دەیان ساڵەی ڕێژیمی کۆماری ئیسلامیی ئێرانە، سیاسەتێک کە بە سامان و نەوتی گەلانی ئێران گرووپ و میلیشیای تێرۆریستی پەروەردە بکا، گەلانی سووریە و یەمەن بەگژ یەکدا بکا و شەڕی براکوژی لەنێو ماڵی خەڵکدا ساز بکا، گەلانی ناوچەکە لەیەکتر بکاتە دوژمن و لە هیچ کردەوەیەکی تێرۆریستی و دژە مرۆیی درێغی نەکا و ئێران زیاتر لە جاران تەریک بخاتەوە.