Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
هه‌ینی ۹ ی جۆزه‌ردانی ۱۳۹۹ | 29/05/2020 | کاتژمێر:
ئێران

بەردەوامیی ئاگرتێبەردانی شوێنە پیرۆزە ئایینەکانی دیکە لە ئێران

17/05/2020 | 12:42:47
+A
-A

لە درێژەی ئاگرتێبەردانی شوێنە پیرۆزەکانی ئایین و ئایینزاکانی دیکە لە ئێراندا لە لایەن کەسانی سەر بە حکوومەتەوە و بە مەبەستی ترساندن و تۆقاندنیان،  پەرستگەی هێندووەکان لە بەندەرعەباس ئاگری تێبەردرا.

بەرپرسی ئاگرکوژێنەوەی بەندەرعەباس بە هەواڵدەریی ” تەسنیم”ی گوتوە کە ئاگرەکە لە کاتی نیوەڕۆ بووە و لەسەتا ٨٠ی  پەرستگەکە لە ئاگردا سووتاوە.

شایانی باسە کە چەند ڕۆژ پێشتریش لە هەمەدان شوێنی پیرۆزی جووەکان لە لایەن کەسانی نەناسراوەوە ئاگری تێبەردرا کە ناڕەزایەتی جیهانیی لێکەوتەوە .

جێگای ئاماژەیە کە لە ئێرانی ژێر دەسەڵاتی کۆماری ئیسلامیدا تەنیا مەزهەبی شیعە دەتوانێ ئازادی تەواوی هەبێ و هەڵاواردنێکی مەزهەبی و ئایینی لەدژی ئایین و ئایینزاکانی دیکە هەر لەسەرەتای هاتنەسەر کاری ئەو ڕێژیمەوە بەشێوەی سیستماتیک بەڕێوە دەچێ.