Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
هه‌ینی ۹ ی جۆزه‌ردانی ۱۳۹۹ | 29/05/2020 | کاتژمێر:
راگەیەندراوەکان

پەیامی سەرەخۆشیی دەفتەری سیاسیی حیزب لە مەکتەبی سیاسیی یەکیەتیی نیشتمانی و بنەماڵەی خوالێخۆشبوو جەماڵ‌ئاغا

03/04/2020 | 16:56:28
+A
-A

دەفتەری سیاسیی حیزبی دێموکراتی کوردستان لە پەیامێکدا بەبۆنەی کۆچی دوایی جەماڵی حەکیم‌ئاغا سەرەخۆشیی لە مەکتەبی سیاسیی یەکیەتیی نیشتمانی و بنەماڵەی خوالێخۆشبوو کردوە.

دەقی پەیامەکە بەمجۆرەیە:

 

بەڕێز مەکتەبی سیاسیی یەکیەتیی نیشتمانیی کوردستان! ئەندامانی بەڕێزی بنەماڵەی خوالێخۆشبوو جەمال‌ئاغا!

دەگەڵ سڵاو و ڕێز

بە داخ ‌و کەسەرەوە هەواڵی کۆچی دوایی تێکۆشەری لەمێژینە هەڤاڵ جەمال حەکیم‌ئاغامان پێگەیشت. بەم هۆیەوە بە ناوی دەفتەری سیاسی و تێکڕای ئەندامانی حیزبی دێموکڕاتی کوردستانەوە بەداخبوونی خۆمان دەردەبڕین و خۆمان لە غەمی لەدەستدانیدا بە هاوبەشی ئێوە دەزانین.
جێگای داخە کە بەهۆی هەلومەرجی ئێستای کوردستان و ڕووبەڕووبوونەوەی هەمووان دەگەڵ پەتای کوشندەی کۆڕۆناوە دەرەتانی ئەوە نەبوو کە ڕێوڕەسمێکی شیاوی خەبات و ڕابردووی ئەو کۆچکردووە نەمرە ڕێک‌بخرێ تا ئێمەش توانیبامان لەنیزیکەوە لەگەڵتان بین و پێکەوە خەباتگێڕێکی وەک جەمال‌ئاغا لەنێو خۆمان بەڕێ بکەین.
هەربۆیە وێڕای ڕێز و حورمەت بەم هۆیەوە سەرەخۆشی و هاودەردیمان پێشکەشی ئێوە و هەموو هاوڕێ و هاوخەباتەکانی و تەواوی خزم و کەسوکار و دۆست و هاوڕێیانی دەکەین. ئاواتەخوازین جێگای مامە جەمال بەهەشتی بەرین بێ ، تەمەنی درێژی بۆ ئازیزانی بەجێ هێشتبێ و ڕێگای وەدیهێنانی ئامانجەکانی هەمیشە پڕ ڕێبوار بێ.

دەفتەری سیاسیی
حیزبی دێموکڕاتی کوردستان
٠٣\٠٤\٢٠٢٠- ١٥\٠١\١٣٩٩