Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
پێنجشه‌ممه ۲۱ ی خاکه‌لێوه‌ی‌ ۱۳۹۹ | 08/04/2020 | کاتژمێر:
ئێران

گیان لەدەستدان و برینداربوونی ١٦ کەس بە هۆی لافاو لە ئێران

23/03/2020 | 11:39:58
+A
-A

بەهۆی هاتنی لافاو لە ٧ پارێزگای ئێران زیان و زەرەدێکی زۆر بە خەڵکی ئەو ناوچانە گەیشت و ١٦ کەسیش گیانیان لەدەستدا.
وتەبێژی ناوەندی فریاکەوتنی ئێران ڕایگەیاند، تا سەرلەبەیانی ڕۆژی دووشەممە ٤ی خاکەلێوەی ٩٩ی هەتاوی بە هۆی لافاو و بارانەوە لە ٧ پارێزگای ئێراندا ٧ کەس گیانیان لەدەستداوە و ٢ کەس بێسەروشوێن و ٩ کەسیش بریندار بوون.
“مجتەبا خالدی” وتەبێژی ناوەندیی فریاکەوتنی گشتی ڕایگەیاند کە بە هۆی لافاو و بارینی باران لە پارێزگاکانی هورمۆزگان، کرمان، فارس، سیستان و بەلووچستان، گیلان، بووشێهر و قوم تا ڕۆژی ٤ی خاکەلێوە ٧ کەس گیانیان لەدەستداوە و ٢ کەسیش بێسەروشوێنن.
هەروەها ناوبراو ڕایگەیاند کە ٩ کەسیش برینداربوون کە ٤ کەسیان برینەکانیان سووک بووە و پینج کەسیش لە نەخۆشخانەن.
شایانی باسە کە کۆماری ئیسلامی ئێران ئەوەی سەلماندووە کە نە توانای ڕووبەڕووبوونەوەی ڕووداوە لە ناکاوەکانی هەیە و نە گیانی خەڵکی ئێرانی بەلاوە گرینگە، بەڵکوو بەردەوام خۆی خەریکی قەیران خوڵقێنییە هەروەک قەیرانی ڤایرۆسی کۆڕۆنا و قەیرانی فڕۆکە ئۆکڕاینییەکە و بەفریا نەگەیشتنی خەڵک لەکاتی ڕووداوەکاندا.