دوو چالاکی مەدەنی و ژینگەپارێزی خەڵکی دێولان بە ناوەکانی فەریدە وەیسی و ئازاد عەبباسی دوای دوو مانگ راگیران لە گرتووخانەی ئیتڵاعاتی شاری سنە بە دانانی بارمتە ئازاد کران.
ئەم دوو چالاکە مەدەنیە دوو مانگ لەوە پێش لە گەڵ سیرووس عەبباسی چالاکی مەدەنیی لە شاری دێولان دەسبەسەر کرابوون، بەڵام سەرەڕای بەدواداچوونی بنەماڵەکەی، هەتا ئێستا بەرپرسانی قەزایی شاری سنە رێگەیان بە ئازاد کردنی سیرووس عەبباسی نەداوە.
شایانی باسە کە ئەم سێ چالاکە مەدەنیە ھەر سێکیان ئەندامی بنەماڵەیەکن کە لە ناوچەی لەیلاخ و شاری دێولان چالاکیی مەدەنی و ژینگەپارێزی ئەنجام دەدەن.