Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
پێنجشه‌ممه ۳ ی رێبه‌ندانی ۱۳۹۸ | 23/01/2020 | کاتژمێر:
چالاکی

بەشداریی هەیئەتێکی حیزبی دێموکراتی کوردستان لە پرسە و سەرەخۆشیی قەشەی گوندی هەرمۆتە

12/01/2020 | 12:28:26
+A
-A

هەیئەتێکی حیزبی دێموکراتی کوردستان، بەشداریان لە ڕێوڕەسمی پرسە و سەرەخۆشیی “دنحا میخا یووسف” قەشەی بەناوبانگی گوندی هەرمۆتە کرد.
دنحا تۆما یووسف، قەشەی گوندی هەرمۆتەی سەر بە شاری کۆیە، ڕۆژی شەممە ڕێکەوتی ٢١ـی بەفرانبار لە ڕووداوێکی هاتووچۆدا لە ڕێگای هەولێر _ کۆیە گیانی لەدەستدا.
ئەمڕۆ یەکشەممە ٢٢ی بەفرانباری ٩٨ی هەتاوی هەیئەتێک لە ئەندامانی ڕێبەریی و کادر و پێشمەرگەکانی حیزبی دێموکراتی کوردستان بە سەرپەرەستی بەڕێزان ” حەسەن قادرزادە” ئەندامی دەفتەری سیاسیی حیزب و بە یاوەریی کاک “جەلیل گادانی” ئەندامی پێشووی ڕێبەری و سیمای دیار و ناسراوی گەلەکەمان و کاک محەممەد شەهرەوان بەرپرسی بەشی پێوەندییەکانی حیزب لە شاری کۆیە، لە پرسە و ماتەمینی “دنحا تۆما یووسف” لە هۆڵی سەرەخۆشییەکانی گوندی هەرمۆتە بەشدار بوون و هاوخەمیی خۆیان لە هەمبەر ئەو ڕووداوە دڵتەزێنە بە بنەماڵەی کۆچکردوو و خزم و کەسوکاری ڕاگەیاند.
شایانی باسە کە “دنحا تۆما یووسف” و خەڵکی گوندی هەرمۆتە هەمیشە دۆستێکی نزیکی حیزبی دیموکڕاتی کوردستان بوون و لە کاتی ڕوودانی هەر کارەساتێکدا پشتیوان و هاوخەمی حیزبەکەمان بوون.