Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
چوارشه‌ممه ۲۲ ی خه‌زه‌ڵوه‌ری ۱۳۹۸ | 13/11/2019 | کاتژمێر:
ئەدەب

لە پەنجەرەی ژووری تەنیاییمەوە

06/09/2019 | 21:42:11
+A
-A
عەلی فەتحی

زۆر ئێوارە وەختی ئەو وەرزە

کاتێک لە پەنجەرەی ژووری تەنیاییمەوە

سەیری ئاسمانی غەریبیم دەکەم

گرژییەکانی سروشت

لە چەشنی ئەنگوتنی گەلاوێژ و

گرمەی هەوری ڕەش و

ورشەی بای پاییزی و

خەرمانانی زەرد تەنیا دیاردەن

یەکیەک بەدییان ‌دەکەم.

 

دیسان هەر لەو ژوورەدا،

ساتێک چرای گردسووزی ماڵ پێدەکەم

سەرجەم ئوستوورەکانی نێو کتێب و

تەواوی قارەمانانی خولیای ئازادی

گشتیان نەرم و نیان،

ڕوخساریان ڕووناک و

بزەیەکی زەرد لەسەر لێویان

لە دەوری ڕووناکیی چراکەم

لەگەڵم کۆدەبنەوە و

منیش،

بۆوەی لە جیهانی ئەبەدییەتی ئەواندا بتوێمەوە

بێدەنگ و بە ئەسپایی

قەڵەمی هەست دەست‌دەدەمێ و

خۆم سەربەست و ڕەها‌ دەکەم.