Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
شه‌ممه ۲۶ ی گه‌لاوێژی ۱۳۹۸ | 17/08/2019 | کاتژمێر:
راگەیەندراوەکان

پەیامی سکرتێری گشتیی حیزبی دێموکراتی کوردستان بۆ میر حازم تەحسین بەگ، بەبۆنەی هەڵبژێرانی بە سەرۆکی ئیزدییەکانی کوردستان

30/07/2019 | 15:01:25
+A
-A

بەڕێز میر حازم تەحسین بەگ، سەرۆکی ئێزدییەکانی کوردستان
بەبۆنەی هەڵبژاردنت بە سەرۆکی ئێزدییەکانی کوردستان، بە ناوی خۆم و هەموو هاوڕێیانم لە حیزبی دێموکراتی کوردستان پیرۆزباییت پێ دەڵێم.
هەموومان لە چەند ساڵی ڕابردوودا لە کارساتێک کە بەداخەوە لە سۆنگەی داعشەوە بەسەر خوشک و برایانی ئیزدییەکانمان هات، ئاگادارین و ئەو کارەساتە ویژدانی مرۆڤایەتیی هەژاند و تێکڕای خەڵکی کوردستانیشە داغدار و بڕیندار کرد.
ئێمە هیوادارین لە سایەی سەرۆکایەتیی ژێرانەی جەنابت و هاوکاری حکومەتی هەرێمی کوردستان خوشک و برایانی ئیزدیمان بتوانن جارێکی دیکەش لە خاک و نیشتمانی خۆیان واتە کوردستاندا بحەسێنەوە و بە قەرەبوو کردنەوەیان لە هەموو بوارەکانی ژیانی کۆمەڵایەتی و سیاسی و مادیدا ئارامی باڵ بەسەر ئەو ناوچەیەدا بکێشێ. هەروەها هەموو لایەک یارمەتیدەر بین بۆ سڕینەوەی ئاساواری ناخۆشییە ڕووحی و دەروونییەکان لەسەر هەموو ئیزدییەکان.

حیزبی دێموکراتی کوردستان
سکرتێری گشتی
مستەفا مەولوودی
٨/٥/١٣٩٨
٣٠/٧/٢٠١٩