Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
پێنجشه‌ممه ۲۵ ی ره‌زبه‌ری ۱۳۹۸ | 17/10/2019 | کاتژمێر:
راگەیەندراوەکان

بانگەواز…

05/07/2019 | 13:05:40
+A
-A

مەردم حەق خوریای کوردسان، دووستارەیل ڕێ و ڕێباز دوکتوڕ قاسملوو
٢٢ی تیرمانگ ئیمساڵ، ٣٠ ساڵ لە ترور” دوکتور قاسملوو دەبیرکول حزب دموکرات و عەبدوڵای قادری‌ئازەر” ئەندام کومێتە مەرکەزی حزب، وە دەس دیپلوماتە تروریستەگان جمهووری ئسڵامی لە وڵات ئوتریش گوزەرێدن.
هەرچەن دویای سێ دەهە پەروەندەی ئی ترورە هەر جوور ڕووژ ئەوەڵ مەنێیەسەو، وەڵێ ئی پەروەندە لە وژدان هەر کوردێگ نیشتمان پەروەر و ئاگا وازەو لە هویرمان نیەچوو، جمهووری ئسڵامی ڕیبەرەگەمان ترور کردیە و ئی کردەوەیانە ئەڕای هەمیشە مەحکوومە و دەسەڵاتە تروریستەگەیشێان ڕسواس.
ڕاسە کە دوکتوڕ قاسملوو ڕێبەر فکری و دەبیر کول حزب دموکراتە، وەڵێ شەخسیەت دوکتوڕ و ڕۆڵێ لە جونبش حەق تەڵەبانەی مەردم کوردسان و پانایی بیر و ئەندیشە، ئی گەورە پیایە کردنەسەی شەخسیەتێگ کە هەر تاک پێشکەفتنخواز و دموکرات، دوکتوڕ قاسملوو وە موڵک خوەی زانێدن.
هەر وەی دەلیلە، جی خوەیە لە سی ساڵەی ترور ئی ڕێبەرمانە، وەل یەکەو، وە هەر شکڵ گونجیا و مومکن، یادێ بکەیمن‌ و تروریسم بەینەلملەلی جمهووری ئسڵامی مەحکووم بکەیمن.
ئەندامەیل و لایەن‌گرەیل حزب دموکرات کوردسان،
ئیوە دمای شەهید بوین دوکتوڕ قاسملوو، وە هەر شێوەیەک ئەڕادان مومکن بویەس دریژەدەر ڕێ و ئەندیشەی دوکتوڕ قاسملوو و تەواو شەهیدەیل کوردسان بوینەس و هەین.
هەمیشە بێ ئەوەک گوش بەینە هەڕەشە و فشارەگان دەسەڵات مەرکەزی، لە شار و ناوچەگان کوردسان، یاد و خاترەی دوکتوڕ قاسملوو بەرز و پیرووز گرتینە و لە سی ساڵەی ئی یادە، وەزیفەی فرە ترێگ کەفیدنە سەر شاندان.
هەر وی دەلیلەیشە، کومسیوون تەشکیلاتی حزب دموکرات کوردسان، وەل قەدرزانین ئی تەڵاش و مانی بوینێدانە، وە دیار کردن چەن بەرنامە و ڕێ مەخسوس، داوا لە خەڵک کوردسان، بخسوس ئەندامەیل و تەرەفدارەیل حزب کەید، وەل یەک و وە شێوەیک خاسترەک لە ساڵان، ئی قەدرزانین و ڕێزگرتن لە دوکتوڕ قاسملوووە بووەینەی ڕێەو.
کۆمسیوون تەشکیلات داوا وەلێدان کەی:
١_ لە ڕووژەیل ٢١ و ٢٢ تیر( پووشپەڕ)، تا جێگ کە تویەنین، ڕەنگ ئاوی وە کار بوەین، وەل یاد کردن لە دوکتوڕ قاسملوو، ترورێ وە دەس جمهوری ئسڵامی مەحکووم بکەین.
٢_ هەر لەی شەوەیل (٢١ و ٢٢ تیر)، وەل ڕووشن کردن شەم و بڵاو کردنەوە عەکسەگانی، نیشان بیەین قاسملوو لە ڕێبازیا زنەس.
٣_ شوعارەگان خاس یاد ترور دوکتوڕ قاسملوو وە ڕەگ ئاوی بنویسین.
٤_ وەل عەڵامەت (x)، شوعار نە وە جمهوری ئسڵامی و نە وە تێروریسم جمهوری ئسڵامی بنویسین و تێروریسم دەوڵەتی جمهوری ئسڵامی مەحکووم بکەین.
سڵام وە یاد و ناو دوکتوڕ قاسملوو و عەبدوڵڵای قادری‌ئازەر
رسوایی ئەڕای تێروریسمی دەوڵەتی جمهووری ئسڵامی

حیزبی دێموکراتی کوردستان
کۆمیسیۆنی تەشکیلات
٩ پووشپەڕ(تیر) ١٣٩٨