Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
چوارشه‌ممه ۲۹ ی جۆزه‌ردانی ۱۳۹۸ | 19/06/2019 | کاتژمێر:
جیهان

بەشداری هەیئەتێکی حیزبی دیمۆکراتی کوردستان لە سێمینارێکی سیاسی پەڕلەمانی نۆڕوێژ

19/05/2019 | 01:40:02
+A
-A

ئیوارەی رۆژی سێ شەممە ڕێکەوتی ١٤ی مای ٢٠١٩ زایینی هەیئەتێکی حیزبی دیموکراتی کوردستان پێکهاتوو لە هەر یەک لە بەڕێزان حەسەن غەمبار،کەریم ئەڵڵاوەیسی، نادر ئەمینی ،کامران عەبدوڵڵاهی،حەلیمە ئیسماعیلی و نەمام زەرین فام کە بە فەرمی بانگهێشت کرابوون بەشداری سێمینارێکی سیاسیان لە ژێر ناوی «چۆن دەتوانین لە بواری مافی مرۆڤ یارمەتی کوردانی تورکیە،ئیران.ئیراق و سوریە بدەین» کە لە لایەن حیزبی سۆسیالیستی چەپی نۆڕوێژ پێک هاتبوو کرد.
سەرەتا پێتێرئەیدە پەرلەمانتاری حیزبی سۆسیالیستی چەپ و نوێنەری ئەو حیزبە کە پێشکەشکاری سەرەکی سێمینارەکە بوو دوای بەخێرهێنانی بەشداربووان، باسێکی لە سەر پێشێلکاریەکانی مافی مرۆڤ لە چوارپارچەی کوردستان و بەرنامە و پڕۆژەی حیزبەکەی خۆیان بۆ ئەو بابەتە پێشکەش کرد.
دوابەدوای ئەو دا بەڕێز گڕالد ئەندامی ئەمنێستی ئینتێرناشناڵ باسێکی سەبارەت بە هەوڵەکانیان بۆداکۆکی کردن لە مافی مرۆڤ و پێشێلکاریەکانی مافی مرۆڤ لە لایەن ئەو چوار وڵاتە وا کوردیان لەخۆ گرترتوو پێشکەش بە بەشدار بووان کرد.
پاشان هەر یەک لە بەڕێزان عەوڵا حیجابی،بەهار فەیزوڵڵا و خاتوو هەندرین نەزیر باسێکی کوورتیان لە سەر پێشێلکاریەکانی مافی مرۆڤ لە وڵاتی ئیران،ئیراق و سوریە پێشکەش کرد.
دوابەدوای ئەوان دا بەڕێز لارش کە مامۆستای زانکۆ و خەڵکی نۆڕوێژە باسێکی کوورتی لە سەر نەتەوەی کورد پێشکەش کرد.
لە کۆتاتی دا کات بە بەشداربووان درا کە پرسیارەکان و پێشنیارەکانی خؤیان ئاراستەی پەڕلەمانتارانی حیزبی سۆسیالیستی چەپی نؤڕوێژ، بەشدار لە سێمینارەکە بکەن.
جێگای ئاماژەیە نووسراوەیەکی تێروتەسەل بە زمانی نۆڕێژی کە تێدا ئاماژە بە پێشێلکاریەکانی مافی مرۆڤ لە ئیران،ئیراق،تورکیە و سوریە و ڕێکار وداخوازیەکانی نەتەوەی کورد لە ئیران بە تایبەتی و لە کوردستان بە گشتی دەکات لە لایەن چوار حیزب و ڕێکخراوی کوردستان بە ناوەکانی حیزبی دێموکراتی کوردستان،حیزبی دێموکراتی کوردستانی ئیران ،کۆمەڵەی زەحمەت کێشانی کوردستان و کۆمەڵەی شۆڕشگێڕی زەحمەت کێشانی کوردستانی ئیران ئامادە کرابوو وەک داواکاریەک تەحویلی پاڕلمانی نۆڕوێژ وپئتئر ئەیدە وەک نوێنەری پاڕلەمانتارانی حیزبی سۆسیالیستی چەپی نۆڕوێژ درا.