Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
شه‌ممه ۴ ی جۆزه‌ردانی ۱۳۹۸ | 25/05/2019 | کاتژمێر:
جیهان

هێرشی موشەکی کۆماری ئیسلامی بۆ سەر قەلای دیموکرات، بووتە باس و بابەتی سەرەکی پارلەمانی سوید

09/03/2019 | 14:11:20
+A
-A

لەم دوایانەدا باسی موشەکبارانی کۆماری ئیسلامی بۆسەربنکەی ڕیبەرایەتی ‌حیزبی دێموکراتی کوردستان و قەڵای دیموکرات، لە کۆڕ و کۆمەلە نیودەوڵەتییەکان دا پێ دەنێتە قۆناغێکی تازەوە. بەڕێز ئارێز ڕەمەزانی بەرپرسی بەشی پەیوەندیە نێودەوڵەتییەکانی حیزب لە وڵاتی سوئێد زانیاری تازە دەخاتەڕو سەبارەت بە دانیشتنی کۆمیسێۆنی ئەوروپای پاڕلەمانی سوئێد و باسەکانیان لە سەر موشەکبارانەکانی پاییزی ڕابوردوو. بەڕیز ڕەمەزانی بەشێک لە باسەکانی ئەودانیشتنانەی کە لە پڕۆتۆکۆلی پەڕلەمانی سوید دا بڵاوکراوەتەوە بۆ ک د پ مێدیای ناردووە.

هەروەک دەزانن وڵاتی سوئید دەوری سەرەکی دەبینێ بۆ چاوەدێری بڕیارنامەکانی ڕێکخراوی نەتەوەیەکگرتووەکان سەبارەت بە مافی مرۆڤ لە ئیران کە ساڵانە جارێک لەو بنکەیە دەخرێنە ڕوو. لەو دوایانەدا موشەک بارانی بنکەکانی دێموکرات بۆتە جێگای سەرنج و باسی وڵاتی سوئید بەتایبەت لە وەزارەتی دەرەوەی ئەووڵاتە.

لە کۆبونەوەی کۆمیسییۆنی ئەوروپای پارلەمانی سوئید دا باسی موشەکی بالستیکی ئێران و کردنە ئامانجی بنکەکانی دێموکرات هاتە بەر باس وجێگای ئاماژەیە کە کۆمیسیۆنی ئەوروپای پارلەمانی سوئێد پێش دانیشتنەکانی، لەگەڵ کۆمیسیۆنی ئەوروپا باسی گرینگی ناوچە جیاوازەکان دەکا و کۆبونەوەی لەسەر دەکرێت. لە دوایین کۆبونەوەکەیاندا، بەڕێز هانس ڕۆتێنبێرگ ئەندامی کۆمیسیۆنی پرسی دەرەوەی وڵاتی سوئێد لە پەڕلەمانی ئەو وڵآتە باس لەوە دەکات کە کاتێک ئێمە قسە لەسەر چالاکی موشەکی ئێران دەکەین، نابێت موشەکبارانی بنکەکانی ڕێبەرایەتی حیزبی دێموکراتمان بیر پچێتەوە کە لە سەرەتای پاییزی ڕابردوودا ڕوی دا. هەروەها باس لەوە دەکات کە بەڵگە و نیشانەی زۆر هەیە کە ئەوموشەکانە لە خاکی ئێرانەوە سنورەکانیان بەزاندوە و ئەوە ئاماژەیەکە کە سیاسەتی ئێران کەوتۆتە دەرەوەی سنوورەکانی خۆی و زۆر بە ئاسانی زەخت و فشار دەخاتە سەر کوردانی ڕۆژهەڵاتی دانیشتوی دەرەوەی ئەو وڵاتە.

هەر لەو کۆبونەوەیەدا مارگۆت والسترۆم،ی وەزیری دەرەوەی سوئێد باس لەوە دەکات کە لە بنکەی نەتەوەیەکگرتوەکان باسی چالاکی موشەکی ئێران هاتۆتە ڕۆژەڤ و بە باشی قسەی لەسەرکراوە. دەمهەوێت ئەوەش بڵێم کە نوێنەری یەکێک لە حیزبە کوردییەکانی نەیاری کۆماری ئیسلامی بەڵگەنامەی پێویستی داوەتە ئێمە و لێرە باسی موشەکبارانی پاییزی ڕابوردووی بۆئێمە کردوە کە بووە هۆی گیان لەدەستدانی چەند کەسێک، ئەوەش ئاماژەیەکی ڕوونە بەوەی کە ئێران دەیەوێ گرفتی زیاتر بۆ کوردەکان درووست بکات و ئەوەش دەبێتە هۆکاری شێواندنی زیاتری ناوچەکە، کە ئێران دەیەوێت لە داهاتودا ئەوە بکاتە هۆکار و فاکتەری گوشار بۆ سەر ڕێکارەکانی چارەسەری.

بەڕیز ڕەمەزانی دەڵێ جێگای خۆشحاڵیە کە دانیشتنەکانی لەگەڵ بەڕێز هانس ڕۆتێنبێرگ سەبارەت بە موشەکباران و پرسی کورد بەگشتی ئەنجامێکی باشی هەبووە و خەریکە دەگەینە ئامانج. لە چەند چاوپێکەوتن و دانیشتنی جیاواز دا لەگەڵ ئارێز ڕەمەزانی بەرپرسی پەیوەندییە نێودەولەتییەکانی حیزبی دیموکراتی کوردستان لە سوید، بەڕێز ڕۆتێنبێرگ بەڵینی ئەوەی دابوو کە ئەو پرسە لە کاتی خۆی دا لە شوێنی خۆی دێنێتە بەر باس و هەر وەک لەم ڕاپۆرتە دا ئاماژەی پێکرا، یەکێک لە بابەتەکانی کۆبونەوەی ئەم دواییەی کۆمیسیۆنی ئەوروپای پاڕلەمانی سوئێد بۆ ئەو باسە تەرخان کراوە.