Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
چوارشه‌ممه ۲۴ ی گه‌لاوێژی ۱۳۹۷ | 15/08/2018 | کاتژمێر:
چالاکی

کوردانی دانیشتووی شاری تاران، یادی د. قاسملوویان بەرز ڕاگرت

10/07/2018 | 16:59:17
+A
-A

لە شەوانی ڕابردوو بە بۆنەی ٢٩مین ساڵیادی تیرۆری ناجوامێرانەی دوکتور قاسملووی نەمر لە وڵاتی ئۆتریش بە دەستی تیرۆریستەکانی سەر بەکۆماری ئیسلامی، کوردانی بەهەست و هەڵوێستی ئیلامی و نیشتەجێی شاری تاران بە بڵاوکردنەوەی وێنەی دوکتور قاسملوو و، تراکتی پێوەندی‌دار، سەر لەنوێ شەهیدکران و تیرۆری سکرتێری پێشووی حیزبی دێموکرات و رێبەری ناوەزەی گەلەکەمان، شەهید دوکتور قاسملوویان وەبیری کۆماری ئیسلامی هێنایەوە.
دۆستان و لایەنگرانی حیزبی دێموکراتی کوردستان لە گەورەشاری تاران و، دەوروبەری ئەو شارە، لە چالاکییەکی تەبلیغی‌دا یادوناوی سەرجەم شەهیدانی ڕێگای ئازادی وسەربەستی گەلی کورد، بەتایبەتی شەهید دوکتور قاسملوویان بەرزڕاگرت و لەو ڕێگایەوە وەفاداریی خۆیانیان بە ڕێباز و ئامانجەکانی حیزبی دێموکرات دووپات کردەوە.
کۆمیسیۆنی تەشکیلاتی حیزبی دێموکراتی کوردستان وێڕای ڕێزگرتن لە ئەمەگناسی و، تێکۆشانی دۆستان و، لایەنگرانی خۆی لە شاری تاران، سپاسیان دەکا و، سڵاویان بۆ دەنێرێ.