Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
چوارشه‌ممه ۲۸ ی خه‌رمانانی ۱۳۹۷ | 19/09/2018 | کاتژمێر:
کوردستان

بنه‌ماڵه‌یه‌کی مرۆڤدۆست ، 11 که‌سیان له‌ مردن ڕزگار کرد

11/06/2018 | 11:51:35
+A
-A

بنه‌ماڵه‌یه‌کی خه‌ڵکی مه‌هاباد ، به ‌به‌خشینی جه‌سته‌ی کچه‌که‌یان که‌ تووشی جه‌ڵته‌ی مێشک ببوو ، ژیانیان به‌ 11 که‌سی دیکه‌ به‌خشی.
“مه‌دینه‌ ئازه‌ری‌فه‌ر” ته‌مه‌ن 17 ساڵ ، ناوی ئه‌و کچه‌یه‌ که‌ دوای ئه‌وه‌ی به‌ هۆی سه‌کته‌ی مێشکه‌وه‌، رووبه‌روو مه‌رگ بۆته‌وه‌، بنه‌ماڵه‌که‌ی له‌ ئه‌وپه‌ڕی هه‌ستی مرۆڤایه‌تییه‌وه‌ به به‌خشینی ئه‌ندامانی دیکه‌ی جه‌سته‌ی، 11که‌سیان له‌ مردن ڕزگار کرد.
به‌ پێی هه‌واڵی هاژه‌، مه‌دینه‌ ئازه‌ری‌فه‌ر خه‌ڵکی مه‌هاباد و نیشته‌جێی ئه‌رده‌بێڵ دوای ئه‌وه‌ی به‌ هۆی رووداوێک تووشی جه‌ڵته‌ی مێشک ده‌بێ، له‌ نه‌خۆشخانه‌ی شاری ئه‌رده‌بێڵ به‌رەو شاری تاران گوزاراوه‌ته‌وه‌، به‌ڵام هه‌وڵی پزیشکه‌کان به‌ ئاکام ده‌مێنێ و، دواتر به‌ ڕه‌زامه‌ندی بنه‌ماڵه‌که‌ی و، به‌خشینی ئه‌ندامانی جسته‌ی ئه‌و مێرمنداڵه‌ ، 11که‌س له‌ مردن ڕزگار کراون.
شیاوی باسه‌ هه‌ر له‌و پێوه‌ندییه‌‌دا ماوه‌یه‌ک له‌مه‌و پێش بنه‌ماڵه‌یه‌کی خه‌ڵکی یه‌کێک له‌ گونده‌کانی سنه‌، که‌ کوڕه‌که‌یان به‌هۆی ڕووداوی هاتووچۆ تووشی جه‌ڵته‌ی میشک ده‌بێ، ئه‌و بنه‌ماڵه‌ش له‌ هه‌وڵێکی هاوشێوه‌ دا، به‌ به‌خشینی ئه‌ندامانی جه‌سته‌ی کوڕه‌که‌یان، گیانی سێ که‌سیان له‌ مردن ڕزگار کرد.