Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
چوارشه‌ممه ۲ ی جۆزه‌ردانی ۱۳۹۷ | 23/05/2018 | کاتژمێر:
جیهان

کۆشکی سپی: دەوڵەتی قەتەر دەبێ واز لە هاوکاری میلیشیاکانی سەر بە ئێران بهێنێ

13/05/2018 | 16:01:02
+A
-A

دوای دەرکەوتنی پێوەندی ماڵی دەوڵەتی دووحە، لە گەڵ  گرووپە تیرۆریستییەکانی سەر بە ئێران کە ڕەوشی ڕۆژهەڵاتی ناوەڕاستییان تێکداوە، بەرپرسانی ئامریکایی هوشدارییان‌دا و، داوایان کردوە لە دەوڵەتی قەتەر ، واز لە یارمەتی گەیاندن و پشتیوانی کردن لە گرووپە تیرۆریستییەکان و میلیشیاکانی سەر بە کۆماری ئیسلامی بهێنێ.
دوای دەرکەوتنی  ناردنی ئیمەیل و نامەکانی نیوان بەرپرسانی باڵای دەوڵەتی قەتەر و سەرکردەکانی حزبوڵڵا کە لەلایەن ئێرانەوە پشتیوانییان لێوەدەکرێ  و هەروەها پێوەندییان لەگەڵ  فەرماندەکانی سپای پاسدارانی ئێران،  دەوڵەتی ئامریکا بە توندی ڕەخنەی لە قەتەر گرت و هوشداری داوە کە لە پشتیوانی کردن لە کۆماری ئیسلامی و دەستوپێوەندییەکانی بکشێتەوە.

‏رۆژنامەی “ساندی تێلگراف” لە ڕاپۆرتێک‌دا،   پێوەندیی گەرم وگۆڕی فەرماندە پلەبەرزەکانی سپای پاسداران و رێبەرانی حزبوڵڵای لوبنانی  بەتایبەتی  “قاسم سولەیمانی و حەسەن نەسروڵڵا”، لەگەڵ بەرپرسانی باڵای دەوڵەتی قەتەر ئاشکرا کرد .
دوای ئەوەی  دۆناڵد تڕامپ سەرۆک‌کۆماری ئامریکا لە ڕێککەوتنی بەرجام کشایەوە، داوای لە وڵاتی قەتەر کردووە، بە نیسبەت پێوەندییەکانی لە گەڵ کۆماری ئیسلامی و سپای پاسداران پێداچوونەوە بکات و، واز لە هاوکاری کردنی تیرۆریزم بهێنێ.

 

زانیارییەکان باس لەوە دەکەن کە بەرپرسێکی باڵای دەوڵەتی قەتەر  لە ساڵی ٢٠١٧ بڕی ٥٠میلیۆن پۆندی بۆ قاسم سولیمانی ناردوە و هەروەها یارمەتی‌یەکی زۆری بە گرووپە شیعەکانی عێراق گەیاندوە.

شیاوی باسە ساڵی رابردوو چەند وڵاتی عەرەبی ، بە هۆی پێوەندی قەتەر لە گەڵ کۆماری ئیسلامیی ئێران ، پێوەندییەکانی خۆیانیان لە گەڵ ئەو وڵاتە پچڕاند.