Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
چوارشه‌ممه ۲۴ ی گه‌لاوێژی ۱۳۹۷ | 15/08/2018 | کاتژمێر:
کوردستان

ڕژانی نەوتی خام بۆنێو رووباری سیروان و روودانی کارەساتێکی ژینگەیی

16/04/2018 | 18:31:59
+A
-A

وەرگەرانی چەند تانکێڕێکی نەوت هەڵگر لە نزیک رووباری سیروان سەدان لیتر نەوتی خامیان تێکەڵ بە ئاوی رووباری سیروان و بەنداوی داریان کرد.

لە گوستنەوەی نەوتی خاوی هەرێمی کوردستان بۆ پاڵاوگەکانی ئێران،  تا ئێستا چەندین جار تانکێڕە نەوت هەڵگرەکان لە ڕێگادا تووشی وەرگڕان هاتوون و وەرگەڕانی بارهەڵگرە نەوتەکان لە نزیک رووباری سیروان بووە بە هۆی کارەساتێکی ژینگەیی  و ،  هەر جارەو بە سەدان لیتر نەوتی خام ڕژاوەتە نێو رووباری سیروانەوە.

لەم رووداوانەدا زیاتر لە دوو هەزار نەوتی خام تێکەڵ بە ئاوی رووباری سیروان بووە مەترسییەکی یەکجار زۆری بۆ سەر ژیانی خەڵکی ئەو ناوچە لە ئاوی ئەم رووبارە و بەنداوی داریان کەڵک وەردەگرن دروست کردووە. سەرەرایی ئەوەش بووە هۆی لە ناو چوونی سەدان جۆر بوونەوەری ئاوژی.

شایانی باسە کە بەرپرسی ژینگەی شاری سەوڵاوا وەک هەمیشە بە وەڵامێکی چەواشەکارانە ئەم کارەساتە ژینگەییەی بە گۆرینی رەنگی ئاوی ئەم رووبارە ناو بردووە و هیچ باسی لە تێکەڵ بوونی هەزاران لیتر نەوتی خام‌و مادەی شیمیایی نەکردووە.

لە ماوەی چەند ساڵی رابردوودا بە دەیان حاڵەتی هاوشێوە بەتایبەت لە جادەی نێوان مەریوان، سنە رووی داوە سەرەرای ئەوەی کە زیانێکی یەکجار زۆر و قەربوو نەکراوی لە ژینگەی کوردستان داوە، بە دەیان کەس لە هاووڵاتیانی کورد لە ناوچە بوونەتە قۆربانی کەمتر خەمی ناوەندی حکومەتیەکانی کۆماری ئیسلامی.