Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
چوارشه‌ممه ۲۴ ی گه‌لاوێژی ۱۳۹۷ | 15/08/2018 | کاتژمێر:
کوردستان

به‌رده‌وامیی مانگرتنی‌ بازاڕییانی‌ جوانڕۆ و بانه‌ له‌ هه‌مبه‌ر داخرانی‌ سنووره‌كان

16/04/2018 | 18:11:55
+A
-A

خه‌ڵكی‌ وه‌زاڵه‌هاتووی‌ شاره‌كانی‌ جوانڕۆ و بانه‌ به‌ هۆی‌ بێكاری‌ و داخرانی‌ سنووره‌كان بۆ ڕۆژێكی‌ دیكه‌ش ڕژانه‌سه‌ر شه‌قامه‌كان و ناڕه‌زایه‌تییان ده‌ربڕی‌.

به‌ پێی‌ هه‌واڵی‌ سه‌رچاوه‌ خۆجێیه‌كان، ئه‌مڕۆ بازاڕیان و كاسبكارانی‌ خه‌ڵكی‌ شاری‌ جوانڕۆ بۆ دووهه‌مین ڕۆژی‌ به‌رده‌وام سه‌باره‌ت به‌ قانوونی‌ نوێی گومرك و داخرانی‌ سنووره‌كان ناڕه‌زایه‌تییان ده‌ربڕی‌ و به‌ره‌وه‌ فه‌رمانداریی ئه‌و شاره‌ وه‌ڕێ كه‌وتن.

بازاڕییان و خه‌ڵكی‌ بێ ده‌رتان و هه‌ژاری‌ ئه‌و شاره‌ به‌ نیشانه‌ی‌ نه‌بوونی‌ نان له‌ سفره‌كانی‌ خه‌ڵكدا ناڕه‌زایه‌تییان ده‌ربڕێ سفره‌یه‌كی‌ گه‌وره‌ی به‌تاڵیان له‌سه‌ر شه‌قامه‌كان ڕاخست.

هه‌روه‌ها خه‌ڵكی‌ شاری‌ بانه‌ش به‌ هۆی‌ بێكاری‌ و داخرانی‌ سنووره‌كان بۆ دووهه‌مین ڕۆژ ڕژانه‌ سه‌ر شه‌قامه‌كان و خوزایاری‌ كرانه‌وه‌ی‌ سنووره‌كان بوون و هه‌روه‌ها داوایان له‌ به‌رپرسانی‌ پێوه‌ندیدار كردووه‌ كه‌ پێداچوونه‌وه‌ به‌ ته‌عڕه‌فه‌كانی‌ گومركیدا بكه‌ن. به‌ڵام تا كاتی‌ ئاماده‌كرانی‌ ئه‌و هه‌واڵه‌ هیچ به‌رپرس و لایه‌نییه‌كی‌ پێوه‌ندیدار وه‌ڵامی‌ نه‌داونه‌ته‌وه‌.