Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
پێنجشه‌ممه ۳۰ ی خاکه‌لێوه‌ی‌ ۱۳۹۷ | 19/04/2018 | کاتژمێر:
کوردستان

شنۆ؛ ٣٠٠شاخەوان بۆ پاراستنی ژینگە ، گەشتێکی شاخەوانیان ئەنجامدا

16/04/2018 | 00:25:40
NEWSKURDISTAND

بۆ گەیاندنی پەیامی پاراستنی ژینگە و پاراستنی ئاو رۆژی هەینی لە شاری شنۆ گەشتێکی شاخەوانی رێکخرا. زیاتر لە ٢٠ گرووپ و ٣٠٠ شاخەوان لە ٦ پارێزگای رۆژهەڵاتی کوردستان و ئێران تێیدا بەشداربوون. شاخەوانان داوا لە خەڵک و دامەزراوە حکوومییەکان دەکەن گرنگی زیاتر بە پاراستنی ژینگە و پاراستنی ئاو بدەن کە کەمبوونەوەی سەرچاوەکانی ئاو بووەتە هەڕەشەیەکی جیدی.

شاخەوانانی شەش پارێزگای ئێران و رۆژهەڵاتی کوردستان بەیانی رۆژی هەینی خۆیان گەیاندە دامێنی چیای رندۆڵەی شنۆ. شاخەوانانی ورمێ، سنە، کرماشان، تەورێز، زەنجان و ئەردەبیل گەشتێکی هاوبەشی شاخەوانییان ئەنجامدا.

ئەو شاخەوانانەی بە چیای رندۆڵەدا هەڵگەران، جگە لە وەرزش، پەیامی پاراستنی ژینگە و سەرچاوەکانی ئاویشیان پێبوو. ئەوان دەڵێن تێکدانی ژینگە بە جۆرێک بەرەوپێش دەڕوات کە نیگەرانن شوێنە دەستلینەدراوە سروشتییەکانیش بکاتە قوربانی.