Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
چوارشه‌ممه ۳۰ ی جۆزه‌ردانی ۱۳۹۷ | 20/06/2018 | کاتژمێر:
چالاکی

چالاکییە تەبلیغییەکان بە بۆنەی ١٠ی خاکەلێوە بەردەوامە

01/04/2018 | 17:56:48
+A
-A

بە بۆنەی ١٠ی خاکەلێوە کە ناسراوە بە رۆژی شەهیدان، تێکۆشەرانی دێموکرات بە چالاکیی تەبلیغی خۆیان لە یادکردنەوەی ئەو بۆنە نەتەوەییەو هەروەها ڕێزگرتن لە سەرجەم شەهیدانی حیزب و گەل بەردەوامن.
هەر لەو پێوەندییە‌دا کوردانی ئیلامی نێشتەجێ لە شاری تاران بە بڵاو کردنەوەی تراکت و نووسراوەی شۆڕشگێڕانە یادناوی ڕێبەی شەهید “پێشەوا قازی محەممەد” و شەهیدانی سەرفەرازای ڕێگای ئازادی  کوردستانیان بەرز ڕاگرت.
هەروەها لە ڕۆژی ڕابردوو ئەندامان و دۆستانی حیزبی دێموکراتی کوردستان لە دێهلۆڕان بە نووسینی دروشم ، یادی ڕێبەرانی سەهیدی حیزب و درێژەدرانی ڕێبازی پێشەوایان کردەوە.
بە پێی هەواڵێکی دیکە لە یادی ٧١مین ساڵیادی شەهیدکرانی پێشەوا قازی محەممەد و هاوڕێیانی لە چالاکییەکی دیکە‌دا لایەنگرانی حیزب و تێکۆشەرانی دێموکرات لە شوێنێکی بەرچاو لە سەرجاددەی ئاوایی سوێرووی بانە ئاڵای کوردستانیان هەڵکرد و بەمجۆرە وەفاداریی خۆیانیان بە ئامانج و دەسکەوتەکانی کۆماری کوردستان و سەرۆ‌کۆماری پێشەوا قازی محەممەد سەلماند.