Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
هه‌ینی ۲۷ ی ره‌زبه‌ری ۱۳۹۷ | 19/10/2018 | کاتژمێر:
کوردستان

چالاکانی کورد بڕیارە لەسەر گڵکۆی “پێشەوا”ی کوردان کۆببنەوە

28/03/2018 | 17:46:32
+A
-A

بەشێک لە چالاکانی مەدەنیی ڕۆژهەڵاتی کوردستان بە بۆنەی ساڵڕۆژی لە سێدارەدانی پێشەوا قازی محەممەد و هاوڕێیانی، ڕاگەیەندراوەیەکیان بڵاو کردووەتەوە کە قەرارە ئێوارەی ڕۆژی پێنجشەممە لەسەر گڵکۆی پێشەوا لە شاری مەهاباد کۆ ببنەوە.
لە بەرەبەری ١٠ی خاکەلێوە ساڵڕۆژی لە سێدارەدانی  پێشەوا و هەڤاڵانی ، بەشێک لە چالاکانی مەدەنیی ڕۆژهەڵاتی کوردستان بە بۆنە ساڵرۆژی ئەو رووداوە ڕاگەیەندراوێکیان بڵاو کردەوەتەوە و داوایان لە خەڵکی ڕۆژهەڵاتی کوردستان کردووە بە مەبەستی پەیمان نوێکردنەوە لەگەڵ ڕێبازی پێشەوای نەمر و هاوڕێیانی کاتژمێر 4ی ئێوارەی ڕۆژی پێنجشەممە 9ی خاکەلێوە بە کاتی ڕۆژهەڵات لە شاری مەهاباد و لەسەر گڵکۆی پێشەوا و هاوڕێیانی کۆ ببنەوە.

ئەو چالاکانە بە هەمان مەبەست لە چەند ڕۆژی ڕابردوودا لە تۆڕە کۆمەڵایەتییەکان کەمپینێکیان لەژێر ناوی “کوردستان پەیمان نوێ دەکاتەوە” وەڕێ خستووە کە ئەندامانی کەمپینەکە بە هاشتاگی کوردستان پەیمان نوێ دەکاتەوەو وێنەکانی پێشەوا و هاوڕێیانی لەگەڵ بابەت و نووسراوەیەکدا بڵاو دەکەنەوە.
شیاوی باسە بەشێکی بەرچاو لە کاربەرانی تۆڕەکۆمەلایەتییەکان بە گۆڕینی وێنەی پرۆفایلی خۆیان بە سیما و وێنەی پێشەوا قازی محەممەد  پێشوازییان لە داواکاری ڕاگەیاندراوی چالاکانی سیاسی و مەدەنیی کورد کردوە.

هاوکات ناوەندی هاوکاریی حیزبە سیاسییەکانی رۆژهەڵاتی کوردستان بە بڵاوکردنەوەی ڕاگەیەندراوێک وێڕای پشتگیری لەو چالاکییە داوایان لە خەڵک و خەمخۆرانی کورد کردووە بەشداری لەو بۆنە و چالاکییەدا بکەن.

لە بەشێک  لە ڕاگەیەندراوی چالاکانی مەدەنی‌دا هاتووە، ئێمە بەشێك لە چالاکانی مەدەنی ڕۆژهەڵاتی کوردستان بۆ بەرز ڕاگرتنی یادی هەرمانی پێشەوا یەکەم  سەرۆک کۆماری کوردستان، نەمر قازی محەممەد، رۆژی پێنج شەممە، رێکەوتی 9ی، خاکەلێوە ساڵڕۆژی لەسێدارەدانی ، بەدەستی دەسەڵاتدارانی حکومەتی پەهلەوی، لەسەر گڵکۆی ئەو نەمرانە کۆدەبینەوە و داوا لە خەڵکی کوردستان دەکەین بەشداری ئەو بۆنە نەتەوەییە بکەن