Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
دووشه‌ممه ۱ ی گه‌لاوێژی ۱۳۹۷ | 23/07/2018 | کاتژمێر:
جیهان

نەتەوەیەکگرتووەکان: پێداگری لە سەر دیاریکردنی ڕاپۆرتنێری تایبەت بۆ کاروباری مافی مرۆڤ لە ئێران دەکا

25/03/2018 | 20:18:14
+A
-A

شورای مافی مرۆڤی ڕێکخراوی نەتەوە یەکگرتووەکان بۆ جارێکی دیکە پێداگری لەسەر ئەوە کردەوە کە دەبێ ڕاپۆتنێری تایبەت بە کاروباری مافی مرۆڤ لە ئێران دیاری بکرێ.

شورای مافی مرۆڤی نەتەوە یەکگرتووەکان بە ٢١ دەنگی ئەرێنی، ٧ دەنگی نەرێنی و ١٩ دەنگی بێلایەن جارێکی دیکە پێداگرییان لەسەر درێژکردنەوەی مەئمووریەتی ڕاپۆرتنێری تایبەتی ڕێکخراوی نەتەوەیەکگرتووەکان بۆ کاروباری مافی مرۆڤ لە ئێران کردەوە.

ئەو بڕیارنامەیە لەلایەن وڵاتی سوئێد پێشنیار کرابوو و هەروەها وڵاتی چین، وێنزۆئێلا، کووبا، عێراق، قێرقیزستان، پاکستان و برۆندی دەنگی نەرێنیان بەو بڕیارنامەیە دا.

نوێنەری کۆماری ئیسلامیی ئێران لەو کۆبوونەوەیەدا، هەڵبژاردنی ڕاپۆرتنێری تایبەتی نەتەوەیەکگرتووەکان لە کاروباری مافی مرۆڤ بۆ ئێرانی بە هەوڵی”سیاسی”، “نادادپەروەرانە” و لادانی شورای مافی مرۆڤ لە ئامانجە سەرەتاییەکانی ئەو ڕێکخراوەیە” زانی.

شایانی باسە هەتا ئێستا شورای مافی مرۆڤی ڕێکخراوی نەتەوە یەکگرتووەکان جێگرەوەیەکی بۆ عاسیمە جەهانگیر، ڕاپۆرتنێری تایبەتی نەتەوەیەکگرتووەکان بۆ کاروباری مافی مرۆڤ لە ئێران دیاری نەکردووە.