Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
چوارشه‌ممه ۲ ی ره‌شه‌ممه‌ی ۱۳۹۶ | 21/02/2018 | کاتژمێر:
ئێران

كه‌سێكی‌ نه‌ناسراو، هێرشی كرده‌سه‌ر كۆشكی سه‌رۆک‌كۆماری‌ له‌ ئێران

06/02/2018 | 19:38:19
sarokkomariiii

كه‌سێكی‌ نه‌ناسراو به‌دوای‌ هێرشكردنه‌ سه‌ر كۆشكی‌ سه‌رۆک‌كۆماری‌ له‌لایه‌ن هێزه‌ ئه‌منیه‌تییه‌كانەوە بریندار كرا.

به‌پێی‌ ڕاپۆرتی‌ سه‌رچاوه‌ هه‌واڵده‌رییه‌كانی‌ نزیك به‌ حكومه‌تی‌ ئێران، سه‌ر له‌ به‌یانیی ڕۆژی‌ ڕابردوو كه‌سێكی نه‌ناسراو به‌ كفنی‌ سپی و به‌ قه‌مه‌یه‌كه‌وه‌ له‌ شه‌قامی‌ پاستۆری‌ تاران هێرش ده‌كاته‌ سەر كۆشكی‌ سه‌ركۆماری‌ و له‌لایه‌ن هێزه‌ ئه‌منیه‌تییه‌كانه‌وه‌ بریندار ده‌كرێ.

به‌ قسه‌ی‌ هێزه‌ ئه‌منیه‌تییه‌كان ئه‌و كه‌سه‌ قه‌مه‌ به‌ده‌سته‌ پرسگه‌ی‌ یه‌كه‌می‌ پشكنین تێپه‌ڕ ده‌كا و له‌ پرسگه‌ی‌ دووهه‌م ده‌نگ ده‌درێ و ناوه‌ستێ و له‌ ئاكامدا به‌ هۆی‌ ته‌قه‌ی‌ ڕاسته‌وخۆ و بریندار كردنی‌ ده‌سبه‌سه‌ر ده‌كرێ.

موحسێن هه‌مه‌دانی‌، جێگری‌ ئه‌منیه‌تیی پارێزگاری‌ تاران به‌ هه‌واڵده‌ریی ته‌سنیمی‌ ڕاگه‌یاند كه‌ ئه‌و كه‌سه‌ پاش تێپه‌ڕكردنی‌ نیگابانی‌ یه‌كه‌م له‌لایه‌ن نیگابانانی‌ دووهه‌می‌ كۆشكی‌ سه‌ركۆماری‌ ته‌قه‌ی‌ لێده‌كرێ و لاقی بریندار ده‌بێ و ده‌سبه‌سه‌ر ده‌كرێ، بێ ئه‌وه‌ی‌ كه‌ ئاماژه‌ به‌ شوناسی ئه‌و كه‌سه‌ بكرێ ته‌نیا ڕایگه‌یاند كه‌ ته‌مه‌نی‌ 35 ساڵه‌.

دامه‌زراوه‌ی‌ سه‌ركۆماری‌ و مه‌جلیسی شواری‌ ئیسلامی له‌ ئێران دوو شوێنن كه‌ له‌ ماوه‌ی‌ چه‌ند مانگی‌ ڕابردوودا بووه‌ته‌ شوێنی‌ كۆڕ و كۆبوونه‌وه‌ی‌ ناڕه‌زایه‌تییه‌كانی‌ خه‌ڵكی‌ ئێران كه‌ له‌و ماوه‌یه‌دا زیاتر له‌ 10 كۆبوونه‌وه‌ی‌ ناڕه‌زایه‌تیی شیركه‌ت و دامه‌زاروه‌ مه‌ده‌نییه‌كانی‌ لێ به‌ڕێوه‌چووه‌.