Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
چوارشه‌ممه ۲۴ ی گه‌لاوێژی ۱۳۹۷ | 15/08/2018 | کاتژمێر:
ئێران

پشتیوانی سازمانی فیداییانی خەڵقی ئێران لە “ناوەندی هاوکاریی حیزبەکانی کوردستان”

01/02/2018 | 17:38:31
+A
-A

ڕێکخراوی یەکیەتیی فیداییانی خەڵقی ئێران بە پێی بڵاوکراوەیەک پشتیوانی خۆی لە پێکهاتنی ” ناوەندی هاوکاریی حیزبە کوردییەکان” ڕاگەیاندو خوازیاری هەڵوەشاندنەوەی حوکمی سێدارەی ڕامین حسێن‌پەناهی بوون.

دەقی تەواوی بەیانییەکە:

پێنج حیزب و ڕێکخراوی سیاسیی کوردستانی ئێران لە پرێسکۆنفڕانسێکی ڕۆژنامەوانیدا لە ڕێککەوتی ٣٠ی بەفرانباری ١٣٩٦ (٢٠ی ژانویەی ٢٠١٨)، پێکهاتنی ناوەندی هاوکاریی حیزبە کوردییەکانی کوردستانی ئێرانیان ڕاگەیاند.
لە ئامانجە سەرەکییەکانی ئەو ناوەندە، هاوئاهەنگی لە کردەوەو هزرییەتی یەکگرتوو لەمەڕ پێشهات‌و گۆڕانکارییە سیاسییەکانە.

ئەو ناوەندە لە یەکەم هەنگاوی خۆیدا، لە بڵاوکراوەیەک‌دا ناڕەزایەتیی خۆی لەهەمبەر داسەپاندنی حوکمی سێدارە بەسەر دەسبەسەرکراوی کورد رامین حوسین‌پەناهی دەربڕیوەو، داوای لە سەرجەم ئازادیخوازان، چالاکڤانان‌و ناوەندەکانی مافی مرۆڤ کردووە بۆ هەڵوەشاندنەوەی ئەو حوکمە هەوڵ بدەن.

ڕێکخراوی یەکیەتیی فیداییانی خەڵقی ئێران کە لە سەرتای دەسبەکاربوون‌و تا ئێستاش داکۆکیکاری نزیکبوونی هەرچی زیاتری هێزە پێشکەوتن‌خواز، نەتەوەیی، دێموکڕات‌و چەپ بووە و،  لە هەوڵی بەردەوام دایە بۆ پێوەندی کردنیان، سەرەڕای پێشوازی کردن لە ناوەندی هاوکاریی حیزبە کوردییەکان، پێکهاتوو لە حیزبی دێموکڕاتی کوردستان، حیزبی دێموکڕاتی کوردستانی ئێران، کۆمەڵەی زەحمەتکێشانی کوردستان، حیزبی کۆمەڵەی کوردستانی ئێران، ڕێکخراوی خەباتی کوردستانی ئێران، لە خواستی ئەو ناوەندە لەسەر هەوڵی هەمەلایەنە بۆ بەرگریی لە ژیانی رامین حوسێن‌پەناهی‌و هەڵوەشاندنەوەی حوکمی سێدارەی ناوبراو لێبڕاوانە پشتوانی دەکا.

ئێمە هیوادارین کە خواستی ئەو ناوەندە هاوکارییە ببێتە جێی سەرنجی گشت چالاکڤانان، ناوەندە داکۆکیکارەکانی مافی مرۆڤ‌و، سەرجەم ویژدانە وەخەبەرەکان‌و، بە پشتیوانی‌و پەرە پەرەپێدان بە چالاکییەکانی ئەو ناوەندە هاوکاری بە ئامانج‌گەیشتنیان بین.

سازمانی فیداییانی خەڵقی  ئێران
٨ی ڕێبەندانی ١٣٩٦

٢٨ی ژانویەی ٢٠١٨