Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
چوارشه‌ممه ۲۸ ی سه‌رماوه‌زی ۱۳۹۷ | 19/12/2018 | کاتژمێر:
راگەیەندراوەکان

په‌یامی پیرۆزبایی سکرتێری گشتیی حیزبی دێموکراتی کوردستان به‌بۆنه‌ی ساڵی نوێی ٢٠١٨ی زایینی

31/12/2017 | 00:00:56
+A
-A

له‌ ده‌سپێکی ساڵی نوێی زایینیدا پیرۆزبایی به‌ هه‌موو په‌یڕه‌وانی ئایینی مه‌سیحی، به‌ تایبه‌ت هاونیشتمانیانی مه‌سیحی له‌ کوردستان و ئێراندا ده‌ڵێم.

هیوادارم ده‌سپێکی ساڵی نوێی زایینی و جێژنه‌کانی کریسمه‌س و نوێبوونه‌وه‌ی ساڵ بە خۆشی و شادی تێپەر بکەن و، بە هیوایه‌ که‌ له‌ ساڵی ٢٠١٨دا ڕوحی ئاشتی و پێکەوە ژیانێکی سه‌رده‌میانه‌ و شارستانیانەتر باڵ به‌سه‌ر جیهان، به‌ تایبه‌ت ناوچه‌ شه‌ڕلێدراوه‌کاندا بکێشێ.

ساڵی ٢٠١٧ی زایینی کە ڕابرد، لەگەڵ پێشکەوتن و سەرکەوتنی گەورە لە ئاست و بواری جۆراوجۆردا، بەڵام بۆ سوڵح و ئاشتی و پێکەوەژیانی نه‌ته‌وه‌کان له‌ زۆر ناوچه‌ و سووچی ئه‌م جیهانه‌ ساڵێکی پڕ لە کاره‌سات، ناخۆشی، ئاوارەیی و بێبه‌شیی نه‌ته‌وه‌ لێقەوماو و چه‌وساوه‌کان بوو. هه‌ر بۆیه‌ هیوادارم که‌ ساڵی تازەی زایینی بۆ جیهان به‌گشتی و بۆ نه‌ته‌وه‌ی کورد و ناوچه‌که‌مان به‌ تایبه‌تی، زۆرترین خۆشی و ده‌سکه‌وتی تێدا بێ و، ئاشتی، ئازادی و دادپه‌روه‌ری له‌ سه‌رکه‌وتن و به‌ره‌وپێشچووندا بێ.

له‌ کۆتاییدا جارێکی دیکه‌ وێڕای پیرۆزباییم لە سەرجەم پێڕەوانی ئەو ئایینە لە کوردستان و ئێران، هیوادارم لە ساڵی نوێی زایینیدا کۆمەڵانی خەڵکی وەزاڵە هاتووی ئێران بە هەموو جۆراوجۆرییه‌ ئاینییەکانەوە یه‌کگرتوانه‌ و شێلگیرانه‌ له‌ سه‌نگه‌ری خه‌باتدا بن و بە مافی ئینسانی و دێموکراتیکی خۆیان بگەن.

 

سکرتێری گشتی حیزبی دێموکراتی کوردستان

مستەفا مەولوودی

31ی دێسەمبری 2017