Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
سێ شه‌ممه ۲۱ ی سه‌رماوه‌زی ۱۳۹۶| 12/12/2017 |کاتژمێر:
چالاکی

ئیلامی دێرین پێشوازیی لە ٢٦ی سەرماوەز کرد

30/11/2017 | 14:50:56
barawo26sarmawz

لە بەرەبەرە ٢٦ی سەرماوەز  ساڵرۆژی پێشمەرگە و هەڵکردنی ئاڵای کوردستان ،  ئەندامان و دۆستانی ئیلامی سەر بەڕێکخستنەکانی حدک،  بە بڵاوکردنەوەی نووسراوەو تراکتی پێوەندی‌درا یاد و ناوی ٢٦ی سەرماوەزیان وەکوو ڕۆژێکی گرینگ وزێڕین لە مێژووی بزووتنەوەی ڕزگاریخوازنەی گەلەکەمان  بەرز ڕاگرت.
دۆستان و ئەندامانی حیزبی دێموکراتی کوردستان لە شاری ئیلام ،  شەوی ڕابردوو ڕێکەوتی ٨ی سەرماوەز  لە چالاکییەکی تەبلیغیی‌دا پێشوازییان لە رۆژی ٢٦ی سەرماوەز کردو ئەو یادەیان بەرزنرخاند.
بە پێی هەواڵی گەیشتوو، لەو  چالاکییە‌دا  چەندین گەڕەک و کۆڵانی بەرچاو لە شاری ئیلام بە تراکت و نووسراوەی سەبارەت بە یادی ٢٦ی سەرماوەز ڕازایەوە.
ئەو شوێنانەی کە شەوی ڕابردوو لە شاری ئیلام تێدا چالاکیی تەبلیغیی کراون بریتین لە: گەڕەکی تەربیەت، کۆڵانی بۆستانی ٨ و، چەندین شەقام و شوێنی دیکەی ئەوشارە.
کۆمیسیۆنی تەشکیلاتی حیزبی دێموکراتی کوردستان، وێڕای ڕێزگرتن لە تێکۆشانی سەرجەم  ئەندامان و دۆستانی خۆی لەشاری ئیلام،  سپاسیان دەکاو، سەرکەوتنی زیاتریان بۆ بە ئاوات دەخوازێ.