Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
سێ شه‌ممه ۲۱ ی سه‌رماوه‌زی ۱۳۹۶| 12/12/2017 |کاتژمێر:
ئێران

دادستانی گشتیی پێشووی تاران بە دوو ساڵ زیندان مەحکووم کرا

27/11/2017 | 18:25:27
saideeemotazawiiii

سەعید مورتەزەوی، دادستانی پێشووی تاران بە تاوانی بەشداری لە کوشتنی “موحسین ڕوحول‌ئەمینی” بە ٢ ساڵ زیندانی بۆ بڕایەوە.

ماڵپەڕی”تەسنیم”ی سەربە سپای پاسداران لەوبارەوە لە زمان “میرمەجید تاهیری پارێزەرەی دادگاوە بڵاوی کردووەتەوە، سەرەنجام پاش ٨ ساڵ بەسەر پەروەندەی “کەهریزەک” دادگای پێداچوونەوە بە تاوانی بەشداری لە کوشتنی موحسن ڕۆحول‌ئەمینی حوکمی ٢ ساڵ زیندان بۆ سەعید مورتەزەوی دادستانی گشتیی تاران بڕیوەتەوە.

پێشتر دادگای تاران چەند جارێک بڕیاری لەسەر بێتاوانیی سەعید مورتەزەوی دابوو، بەڵام بەداواداچوونی بنەماڵەی کوژراوەکان و خستنەڕووی چەندین بەڵگە و بوونی شایەتحاڵ، سەرەنجام توانرا ئەو پەروەمدەیە یەکلایی بکرێتەوە.

ساڵی ١٣٨٨ و پاش پشێوی و ئاڵۆزییەکانی تاران و چەند شاری دیکەی ئێران بە ئەنجامی هەڵبژاردنی سەرکۆماری بە سەدان کەس دەستگیر کران و لە گرتنگەی “کەهریزەک” لە تاران چەندین کەس و یەک لەوان موحسن ڕۆحول‌ئەمینی بە فەرمانی سەعید مورتەزەوی ئازار و ئەشکەنجە دران و گیانیان لەدەست دا.