Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
دووشه‌ممه ۲۹ ی خه‌زه‌ڵوه‌ری ۱۳۹۶| 20/11/2017 |کاتژمێر:
کوردستان

بووک و زاوایەکی بجنووردی، نەوماڵی خۆیانیان پێشکەش بە هاونیشتمانیانی بوومەلەرزەلێدراو کرد

14/11/2017 | 15:51:53
kalopalllbokozawa

بووک و زاوایەکی خەڵکی شاری کوردنشینی بنجوورد لە پارێزگای خوراسانی ئێران، خەڵات و نەوماڵی خۆیانیان بۆ لێقەوماوانی پارێزگای کرماشان نارد.
ئەو بووک و زاوایە کە تازە ژیانی هاوبەشییان پێکهێناوە لە هەڵمەتێکی مرۆڤدۆستانە کەلوپەلی دەسپێکی ژیانی هاوبەشیان پێشکەش بە خەڵکی ماڵوێران و لێقەوماوی کارەساتی بوومەلەرزەی شەوی ٢١ی خەزەڵوەر کرد.
شایانی باسە داوبەدوای کارەساتی بوومەلەرزە لە ناوچەی کرماشان ،خەڵکی کوردستان هەرکەسەو بەجۆرێک بەهانای هاونیشتمانیانی بوومەلەرزەلێدراو ڕویشتن و هەرەوەزی کۆکردنەوەی یارمەتی بۆ بەرکەوتووانی پارێزگای کرماشان ، لە سەرجەم شارەکانی کوردستان و هەروەها کوردانی نیشتەجێی دەرەوەی کوردستان هەر بەردەوامە.
شایانی باسە بە هۆی بومەلەرزەكەی كرماشانەوە تا ئێستا ١٢ هەزار خانوو رووخاوە. ٤٠٧ هاولاتی گیانیان لە دەستداوە ٦٧٠٠ کەسیش بریندار هەیە، هەروەها حكومەت ڕێگە نادا ئاماری زیان‌لێكەوتووان و ڕادەی خەسارەتەكان بڵاو ببێتەوە.