Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
سێ شه‌ممه ۲۱ ی سه‌رماوه‌زی ۱۳۹۶| 12/12/2017 |کاتژمێر:
جیهان

ئامریکا و فەرانسە بە نزیکبوونەوەی عێراق و تورکیە لە ئێران بە جێی نیگەرانی دەزانن

03/10/2017 | 18:22:37
amrikaofranseeee

ئامریکا سەبارەت بە گەمارۆی ئابووریی هەرێمی کوردستان عێراق و تورکیەی وریا کردەوە.

بەپێی زانیاریی رۆژنامەوانییەکان دۆناڵد ترامپ سەبارەت بە گەمارۆی ئابووریی کوردستان دوو وڵاتی عێراق و تورکیەی وریا کردەوە و بە نزیکبوونەوەی ئەو دوو ھاوپەیمانەیشی لە ئێران زۆر نیگەرانە. چاودێرانی سیاسییش پێیان وایە تورکیە و عێراق ناتوانن ھەڕەشەکانیان لە ئەرزی واقع جێبەجێ بکەن.

یەکێک لەو سەرچاوە ڕۆژنامەوانییانە (ئەلوەتەن) ئەوەشی ئاشکرا کردووە، کە ئامریکا و فەرانسە بۆ پاراستنی کەرکووک و کێڵگە نەوتییەکانی، لە بەرنامەیان دایە دوای شەڕی حەویجە ھێزێک بۆ پاراستنیان بۆ کەرکووک بنێرن.

لەلایەکی دیکەشەوە، ‎بەگوێرەی ئەو ھەواڵەی کە ڕۆژنامەنووسی لە ئاژانسی “بلۆمبۆرک”دا بڵاوی کردووەتەوە کە دەوڵەتی دۆناڵد ترامپ لە رێگەی باڵوێزخانەی عێراقەوە نامەیەکی نھێنیی بۆ عەبادی ناردووە و لە نامەکەدا داوای ھێورکردنەوەی دۆخەکەی کردووە، ئامریکا بەڕوونی بە عێراقی ڕاگەیاندووە کە کورد ھاوپەیمانیانە، ئەگەر دۆخەکە درێژە بکێشێ و گرژییەکان زیاتر بن، ئەوە ئامریکا گشت ھاوکارییە نیزامی و ئابوورییەکان لە عێراق دەبڕێ.

ھەر بەگوێرەی ھەواڵەکە، کۆشکی سپی نامەیەکی بۆ بەرپرسانی ئانکاراش ناردووە و ھەمان داوای لێ کردوون، ئەگەر گرژییەکان زیاتر بکەن و گەمارۆی ھەرێمی کوردستان بدەن ئەوا ئامریکا ھاوکارییە ئابووری و سەربازییەکان لە تورکیاش دەبڕێ. ئەمەیش بەرپرسانی ئانکەرای دڵگران کردووە و بە گۆڕینی ھەڵوێستی واشنگتۆن ناوی دەبەن.

ھەر بەگوێرەی ھەواڵەکە، ئامریکا پێی وایە نزیکبوونەوەی عێراق و تورکیە لە ئێران دۆخەکە دەخاتە خزمەتی بەرژەوەندییەکانی کۆماری ئیسلامیی ئێرانەوە و ئەوانیش ئەوە قبووڵ ناکەن.