Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
سێ شه‌ممه ۴ ی ره‌زبه‌ری ۱۳۹۶| 26/09/2017 |کاتژمێر:
ئێران

٤ هه‌زار گه‌ڵاڵه‌ی‌ نیوه‌چڵی‌ وه‌رزشیی له‌ ئێراندا هه‌یه‌

04/09/2017 | 15:59:22
mestafaaaaasultaniii

وه‌زیری‌ وه‌رزش و لاوان گوتی‌، له‌ ئاستی‌ ئێراندا ٤ هه‌زار پڕۆژه‌ی‌ نێوه‌چڵی‌ وه‌رزشی هه‌یه‌ كه‌ ئێستا كاریان له‌سه‌ر ناكرێ.

به‌پێی‌ ڕاپۆرتی‌ مێهر، مه‌سعود سه‌ڵتانیفه‌ر ڕایگه‌یاند كه‌ هه‌ر ئێستا له‌ ئاستی‌ ئێراندا ٤ هه‌زار پڕۆژه‌ی‌ ئاوه‌دانكردنه‌وه‌ی‌ وه‌رزشی به‌ نیوه‌چڵی‌ ماونه‌ته‌وه‌ و هیچ كامیان له‌ ئه‌وله‌وییه‌تی‌ جێبه‌جێكردندا نین و له‌ لایه‌ن به‌ڕێوه‌به‌رانی‌ پاش گوێ خراون.

ناوبراو له‌ حاڵێكدا باسی له‌ پڕكردنه‌وه‌ی‌ كاتی بێكاریی لاوان به‌ وه‌رزش ده‌كرد كه‌ ٤ هه‌زار پڕۆژه‌ی‌ نێوه‌چڵی‌ وه‌رزشی له‌ ئاستی‌ ئێراندا هه‌یه‌ كه‌ ته‌نانه‌ت ئاوڕیشیان لێنه‌دراوه‌ته‌وه‌.

ناوبراو وێڕای‌ ئاماژه‌ به‌ بارودۆخی‌ و لێهاتوویی پارێزگای‌ ورمێ له‌ بواری‌ وه‌رزشی گوتی‌،ئه‌و پارێزگایه‌ له‌ بواری‌ وه‌رزشییه‌وه‌ توانای‌ باشی هه‌یه‌ و قاره‌مانی‌ لێهاتوو له‌و پارێزگایه‌دا هه‌ڵكه‌وتوون و له‌ بواره‌كانی‌ والیباڵ، فوتباڵ و كشتی‌ پێشكه‌وتنی‌ به‌رچاوی‌ به‌خۆیه‌وه‌ بینیوه‌ و پێویستی‌ به‌ ئاوه‌ڕدانه‌وه‌ی‌ زیاتر هه‌یه‌.