Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
دووشه‌ممه ۲۹ ی خه‌زه‌ڵوه‌ری ۱۳۹۶| 20/11/2017 |کاتژمێر:
ئێران

بەرپرسێکی ئێران هۆشداری دەداتە عێراق

02/09/2017 | 18:26:43
yazdiiiiiii

سەركردەیەكی ئێران لە دابەشبوونی عێراق نیگەرانە

ئیبراهیم رەئیسی دەڵێ، یەكپارچەیی خاكی عێراق مەترسییەكی گەورە و نوێی لەسەرە.

ڕۆژی ڕابردوو ئیبراهیم رەئیسی بەربژێری پێشووی سەركۆماری ئێران، لە دیداری ئیبراهیم جەعفەری، وەزیری دەرەوەی عێراقی وریا کردەوە کە یەكپارچەیی خاكی عێراق مەترسی و هەڕەشەی نوێ لەسەرە.

هەروەها رەئیسی دەڵێ، كە سەركەوتنەكانی ئەو دواییانەی عێراق لە سایەی یەكپارچەیی و یەكگرتوویی پێكهاتەكانی عێراق بەسەر ڕێكخراوی تیرۆریستی داعش بەدەست هاتوون و پێویستە بەرگری لەو یەكگرتووییە بكرێ.

ئیبراهیم رەئیسی كە لە شاری مەشهەدی ئێران پێشوازی لە جەعفەری كردبوو، ئاماژەی بەوەش کرد كە ئەگەر دەست لە یەكپارچەیی عێراق بدرێ، ئەوا ئەم سەركەوتنانەی لەم دواییانەدا بەدەست هاتوون، لەبار دەچن.

ئەو بەرپرسە ئێرانیە، كە پێشتر دادستانی گشتیی دادگای ئێران بووە، ئەوەشی گوت، كە سەرەتای سەرهەڵدانی داعش، جیهان پێی وابوو کە تەنها ئامریكا دەتوانێ داعش لەنێو ببا، بەڵام لە راستیدا عێراق سەلماندی كە بۆ رووبەڕووبوونەوەی هەڕەشەی لەم جۆرە دەكرێ پشت بە وزەی لاوانی وڵات ببەسترێ.