Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
پێنجشه‌ممه ۲ ی سه‌رماوه‌زی ۱۳۹۶| 23/11/2017 |کاتژمێر:
کوردستان

وێنەگرێکی سنەیی بە دوو ساڵ زیندانی تەعزیری و تەعلیقی مەحکووم کرا

17/07/2017 | 16:30:25
sna-o-aksss

دادگای شۆڕش لە شاری سنە حوکمی ١ ساڵ زیندانی تەعزیری و ١ ساڵ زیندانی تەعلیقی بۆ وێنەگرێکی کورد لەو شارە بڕیەوە.

چەند ڕۆژ پێش مێهدی تەوەکۆلی، وێنەگری کورد خەڵکی شاری سنە لەلایەن دادگای شۆڕش لەو شارە بە دوو ساڵ زیندانی تەعزیری و تەعلیقی حوکم درا.

سەرچاوەیەکی ئاگادار لەو باریەوە ڕاگەیاند: لقی یەکی دادگای شۆڕش بە تۆمەتی”هەوڵدان دژی ئەمنییەت نەتەوەیی” ئەو حوکمەی بە سەر ئەو هونەرمەندە کوردەدا سەپاندووە و بە شێوەی فەرمی لەلایەن دادگاوە بە مێهدی ڕاگەیەندراوە.

ئەو وێنەگرە کوردە مانگی ڕەزبەری ساڵی ڕابردوو، لە شاری سنە لە لایەن هێزە ئەمنیەتییەکانەوە دەستبەسەر و بۆ ماوەی ٣٥ ڕۆژ لە گرتنگەکانی ئیدارەی ئیتلاعاتی سنە دابوو و دواتر بە دانی بارمتەی ٣٠٠ میلیۆن تمەنی بە شێوەی کاتی ئازاد کرا بوو.

شایانی باسە ئەو هونەرمەندە کوردە پێشتر چەند پێشانگایەکی لە پێوەندی لەگەڵ “ئاوارەکانی ئیزەدی شەنگال و کۆبانی لە هەرێمی کوردستان” لە شاری سنە بەڕێوە بردبوو