Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
شه‌ممه ۱ ی ره‌زبه‌ری ۱۳۹۶| 23/09/2017 |کاتژمێر:
چالاکی

ناوچەکانی سەر بە شاری جوانڕۆ یادی شەهید قاسملوویان بەرز ڕاگرت

13/07/2017 | 14:32:57
jawnroooqasmlooo

تێکۆشەرانی دێموکرات لە  نێو شاری جوانڕۆ و چەند ناوچەیەکی سەر بەو شارە، بە بۆنەی ٢٢ی پووشپەڕەوە، بە بڵاوکردنەوەی تراکت و وێنەی شەهید دوکتور قاسملوو، بۆ جارێکی دیکە  رێژیمی  تێرۆیستپەروەری کۆماری ئیسلامیی ئێرانیان شەرمەزار کرد و، پەیمانی وەفادارییان لە گەڵ حیزبی دێموکراتی کوردستان نوێ کردەوە.

ئەندامان و تێکۆشەرانی سەر بە تەشکیلاتی حیزبی دێموکراتی کوردستان لە ناوچەی جوانڕۆ و دەروبەری ئەوشارە  شەوی رابردوود بە بڵاوکردنەوەی تراکت و وێنەی شەهیدی رێبەر، بە بۆنەی ساڵرۆژی تێرۆری شەهید قاسملووەوە، چالاکیی تەبلیغییان بەڕێوە برد.

ئەو شوێنانەی لە شاری جوانڕۆ کە دڵسۆزانی حیزبی دێموکرات کاری تەبلیغییان تێدا ئەنجام داوە بریتین لە: ئیدارەی ئاو، ئیدارەی تەعاون، دووڕیێانی سەلاس باوەجانی وشروێنە، دووڕێیانی روانسەر و پاوە، بازارچەی شوشمێ و چەند گوندو ئاوایی سەر بە پارێزگای کرماشان و شاری جوانڕۆ.

بە بۆنەی  تێکۆشان وچالاکیی تێکۆشەرانی دێموکرات لە  جوانڕۆ و ناوچەکانی دەورووبەری، کۆمیسیۆنی تەشکیلاتی حیزبی دێموکراتی کوردستان بە گەرمی ئافەرینیان لێ دەکات و سەرکەوتنی زیاتریان لە ئەرکانیان‌دا بە ئاوات دەخوازێ.