Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
هه‌ینی ۲۶ ی خه‌زه‌ڵوه‌ری ۱۳۹۶| 17/11/2017 |کاتژمێر:
ئێران

دیپلۆماتێكی ئامریكا: خۆمان بۆ ڕووخانی رێژێمی ئێران ئامادە دەكەین

09/07/2017 | 15:50:07
irannnnemrozz

ڕێی تێكی: رێژێمی ئێران وەك یەكیەتی سۆڤیەتی پێشوو لە دوایین ڕۆژانی تەمەنی دایە

ڕێی تێكی ئەندامی باڵای كۆمیتەی لێكۆڵینەوەی پەیوەندییەكانی دەرەوەی كۆنگرێسی ئامریكا وتارێكی لە رۆژنامەی (واشنگتۆن پۆست)ی ئامریكادا بڵاوكردووەتەوە، تیایدا دەڵێ، دەبێ خۆمان بۆ كاتی ڕووخانی رێژێمی کۆماری ئیسلامیی ئێران ئامادە بكەین.

تێكی وەك ئاماژەیەك بۆ روونكردنەوەكانی رێكس تیلرسون وەزیری دەرەوەی ئامریكا لە دوایین كۆبوونەوەی كۆنگرە، نووسیویەتی كە وتەكانی تیلرسون كە رایگەیاندبوو سیاسەتی ئێمە لەبارەی ئێرانەوە، بەرگری لە هۆكارەكانی ناوخۆی وڵاتە تاكو بە لوتكەی هێز بگا.

نووسەرە لە درێژەدا دەڵێ سەرەڕای ئەوەی تیلرسون روونی نەكردەوە كە مەبەستی لە هۆكاری ناوخۆیی وڵات و لوتكەی هێز چیە، بەڵام كاردانەوەی توندی سەركردەكانی ئێرانی لێ كەوتووەتەوە.

تێكی ئەوەشی راگەیاندووە كە ماوەیەكی درێژە ئامریكا هەوڵەكانی بۆ گۆڕینی دیمۆگرافیای هێزە چالاكەكان و جێگیرکردنی دیموكراسی لە وڵاتان، خەڵكی ئێرانیش بۆ چەندین ساڵە لەژێر دەسەڵاتی خامەنەیی گیرۆدە بوون چڕكردووەتەوە و دەبێ ئامریكا بۆ گۆڕینی دەسەڵات لەو وڵاتە ئامادە بێ، واتە دەتوانین ناوی بنێین رووخاندنی رێژێم.

ڕێی تێكی لە كۆتاییدا دەنووسێ “رێژێمی ئێران وەك یەكیەتی سۆڤیەتی پێشووی لێهاتووە و لە ڕۆژانی دوایی تەمەنی دایە، هەروەها ناوەندە زانستییەكانی ئایینی قومیش لەو باوەڕەدان كە دەسەڵاتەكەی خامەنەیی زیانی زۆری بە ئیسلام گەیاندووە”.