Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
هه‌ینی ۲ ی پووشپه‌ڕی ۱۳۹۶| 23/06/2017 |کاتژمێر:
ئێران

ئێران له‌ ماوه‌ی یه‌ک ساڵدا ٥٣٠ کەسی ئێعدام کردوە

05/04/2017 | 17:05:44
ehdammmmmm

کۆماری ئیسلامیی ئێران لە ماوه‌ی یه‌ک ساڵی زایینیی  ڕابردوودا ٥٣٠ که‌سی له‌ ئێران ئێعدام کردوە و هەروەها لە ساڵی ٢٠١٧ لانیکەم ١٤٠ کەس یانی لە ماوەی ئەم چوار مانگەدا ئێعدام کراون.

ڕێکخراوی مافی مرۆڤی ئێران لە ڕاپۆرتی ساڵانەی خۆیدا ڕایگه‌یاند که‌  دادگاکانی شۆڕش لە ئێران حوکمی ئێعدامی به‌سه‌ر ٥٣٠ هاووڵاتیی ئێرانی داسه‌پاندوه‌ و ئەو حوکمە جێبەجێ کردوە.

بەپێی ڕاپۆرتی ساڵانەی ئەو ڕێکخراوە مرۆییە، هەرچەند ڕێژەی ئێعدامەکان لە ئێران بەبەراورد لەگەڵ ساڵانی پێشوو بەشێوەی ڕێژەیی کەمی کردوە، بەڵام بە شێوەی نێوەنجی لە هەر ڕۆژێک دا، لە ئێران که‌سێک ئێعدام کراوه‌.

هەروەها ئەو ڕاپۆرتە ئەوەشی ئاشکرا کردوه‌ کە هەتا ئێستا هیچ ئاڵوگۆڕێک لە سیاسەت و بیرۆکەی کۆماری ئیسلامیی ئێران سەبارەت بە سزای ئێعدامەکان دا نه‌بینراوه‌.

تەنیا لە چوار مانگی سەرەتای ساڵی ٢٠١٧، لانیکەم ١٤٠ کەسی دیکە ئێعدام کراون.

دادگایی کردنی سەرەتایی لە ماوەی ١٥ خولەکدا، ئیزن نەدان بۆ هەڵبژاردنی پارێزەر و بڕینەوەی حوکم بە پێی دانپێدانانی زۆرەملی لە ژێر ئازار و ئەشکەنجەدا لە تایبەتمەندییە بەرچاوەکانی دادگاکانی شۆڕشی کۆماری ئیسلامیی ئێرانن.

“ڕافائێل چنوێل ئازان” بەرێوەبەری گشتیی ڕێکخراوی فەرانسەوییەکان بە دژی ئێعدام لەو بارەوە گوتی، ئێمە داوا لەو وڵاتانه‌ ده‌که‌ین کە پەیوەندیی دیپلۆماتیکیان لەگەڵ کۆماری ئیسلامیی ئێران دا هەیە بە شێوەی جیددی بۆ کەمکردنەوەی ئێعدامەکان فشار بخەنە سەر ئێران.