Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
یه‌کشه‌ممه ۲۸ ی خه‌زه‌ڵوه‌ری ۱۳۹۶| 19/11/2017 |کاتژمێر:
ئێران

كوژراوانی‌ ناسراو به‌ “پارێزه‌رانی‌ حه‌ره‌م” له‌ ٢ هه‌زار و ١٠٠ كه‌س تێپه‌ڕی‌

07/03/2017 | 14:45:23
mahamaaliiiiishahid

محه‌ممه‌دعه‌لی شه‌هیدی‌، سه‌رۆكی‌ بنیادی‌ شه‌هیدی‌ كۆماری‌ ئیسلامیی ئێران، ڕایگه‌یاند كه‌ تا ئێستا 2 هه‌زار و ١٠٠ كه‌س له‌ پارێزه‌رانی‌ حه‌ره‌م كوژراون.

كاربه‌ده‌ستانی‌ كۆماری‌ ئیسلامیی ئێران، چه‌مكی‌ “شه‌هیدانی‌ پاریزه‌رانی‌ حه‌ره‌م” بۆ هێزه‌ نیزامییه‌كانی‌ ئێران، ئه‌فغانستان و پاكستان به‌كار دێنێ كه‌ له‌ وڵاتانی‌ سووریه‌ و عێراق ده‌كوژرێن. ئه‌و هێزانه‌ هه‌موو له‌لایه‌ن كۆماری‌ ئیسلامییه‌وه‌ ڕێبه‌ری‌ و پشتیوانی‌ ده‌كرێن.

سه‌رۆكی‌ بنیادی‌ شه‌هید وێڕای‌ ئاماژه‌ی‌ به‌ كوژرانی‌ ٢ هه‌زار و ١٠٠ كه‌س له‌ پارێزه‌رانی‌ حه‌ره‌م، به‌لام نه‌یگوت كه‌ چه‌ند كه‌سیان ئێرانین یان سه‌ربه‌ وڵاتانی‌ ئه‌فغانستان و پاكستانن.

میلیشیا چه‌كداره‌كانی‌ ئه‌فغان كه‌ له‌لایه‌ن سپای‌ قودسه‌وه‌ له‌ ژێر ناوی‌ له‌شكری‌ “فاطمیون” و میلیشیا چه‌كداره‌كانی‌ پاكستانیش له‌ ژێر ناوی‌ “زینبیون” ده‌ست له‌ شه‌ڕی‌ نێوخۆیی دوو وڵاتی‌ سووریه‌ و عێراق وه‌رده‌ده‌ن.