Kurdistan Democratic Party
KDP-IRAN
Kurdistanukurd
ماڵپەڕی ناوەندیی حیزبی دێموکراتی کوردستان
چوارشه‌ممه ۲۹ ی خه‌رمانانی ۱۳۹۶| 20/09/2017 |کاتژمێر:
راگەیەندراوەکان

پەیامی ناوەندی ڕاگەیاندنی حیزبی دێموکڕاتی کوردستان لە پێوەندی لەگەڵ شەهیدبوونی شیفا گەردی

25/02/2017 | 20:22:27
hdk-shiwa

زۆر بەداخەوە بیستمان کە شیفا گەردی، ڕاگەیەندکاری لاو و بوێر و سەرکەوتووی تۆڕی میدیایی ڕووداو لە کاتی ڕووماڵکردنی هەواڵەکانی پڕۆسەی ڕزگاریی موسڵ‌دا بەهۆی تەقینەوەی مینێکی چێندراوی داعش شەهید بوو.

هەواڵی شەهیدبوونی شیفا گەردی هەموومانی خەمبار و دڵ‌بریندار کرد. ئەو لە کاتی گواستنەوەی هەواڵی سەرکەوتنەکانی هێزی پێشمەرگەی کوردستان بە دژی داگیرکەرانی کوردستان و، لە پێناو ئازادی، ئەمنیەت و ڕزگاریی نەتەوەکەی‌دا گیانی دانا.

ئێمە شەهیدبوونی شیفا گەردی بە خەمێکی گەورە و هاوبەش بۆ هەموو میدیای کوردیی دەزانین و پرسە و سەرەخۆشیی خۆمان بەو بۆنەیە ئاراستەی بنەماڵە و کەسوکاری شەهید شیفا گەردی، تۆڕی میدیایی ڕووداو و خۆمان و هاورێ و هاوکارەکانی دەکەین. هاوکات هیوادارین یونس مستەفا، ڕاگەیەندکاری دیکەی تۆڕی میدیایی ڕووداو کە لەو رووداوەدا بریندار بووە، بەزوویی ساغی و سڵامەتیی خۆی وەدەست بێنێتەوە.

ناوەندی ڕاگەیاندنی حیزبی دێموکڕاتی کوردستان

ئێوارەی شەممە، ٢٥ی فێورییەی ٢٠١٧ی زایینی